Ресми сайтымызға
Қош келдіңіздер!

"Ғ. Мұстафин атындағы №191 ЖББМ" КММ-де 2026–2027 оқу жылына қазақ бөлімі бойынша мектепалды даярлық тобына (0-сынып) балаларды қабылдау жүргізілетінін хабарлайды.

28.07.26ж. күні мектепте әкімшілік кеңес өтіп, 2026–2027 оқу жылына дайындық мәселелері талқыланды. Кеңесте оқу-тәрбие жұмысы, қауіпсіздік, құжаттама және мектептің дайындығы қарастырылып, педагогтерге жаңа оқу жылына қатысты нақты міндеттер жүктелді.

«Анам, әкем және мен» отбасылық сайысында ата-аналар мен оқушылар спорттық және танымдық жарыстарға қатысып, ұйымшылдық пен белсенділік танытты. Іс-шара отбасы құндылықтарын нығайтуға, салауатты өмір салтын насихаттауға және ата-ана мен бала арасындағы қарым-қатынасты жақсартуға бағытталды.

«Жастар лигасы» қалалық спорттық жарысында мектебіміздің оқушылары жүлделі орын иеленді. Команда жоғары нәтиже көрсетіп, дипломдар мен медальдарға ие болды. Оқушылар мен жетекшілерді құттықтаймыз!

📢 Құрметті ата-аналар!  "Ғ. Мұстафин атындағы №191 жалпы білім беретін мектеп" КММ 2026–2027 оқу жылына қазақ бөлімі бойынша мектепалды даярлық тобына (0-сынып) балаларды қабылдайды.

2025–2026 оқу жылының «Алтын белгі» иегері – Халев Рамазан. 2025–2026 оқу жылының қорытындысы бойынша мектебіміздің түлегі Халев Рамазан «Алтын белгі» төсбелгісінің иегері атанды. Бұл – оқушының табандылығы мен білімге деген ұмтылысының, сондай-ақ ұстаздар мен ата-ананың бірлескен еңбегінің нәтижесі. Мектебіміз Халев Рамазанды осы зор жетістігімен шын жүректен құттықтайды! Алдағы білім жолында жаңа белестер мен толағай табыстар тілейміз!

Жазғы  лагерьдің жабылу салтанатында оқушылар флешмоб билеп, лагерь әнұранын орындады. Гала-концерт ұйымдастырылып, естелік фотосессия өткізілді. Балалар бір-біріне жүрекжарды тілектерін жазып, лагерьмен әсерлі қоштасты. Іс-шара жазғы лагерьдің жарқын қорытындысы ретінде көтеріңкі көңіл күйде аяқталды.

«Болашақ – жастардың қолында» тақырыбындағы іс-шара барысында оқушылар жылы қабылданып, болашақ мамандықтарымен таныстырылды. Балалар IT, робототехника, эко-урбанистика сияқты заманауи мамандықтар туралы мәлімет алып, робототехника кабинетіне саяхат жасады. Сонымен қатар «Менің арманым» тренингі өткізіліп, әр оқушы өз болашағына арнап хат жазып, оны «Болашақ капсуласына» салды. Іс-шара соңында командалық рухты нығайтуға бағытталған қимылды ойындар ұйымдастырылды.