Ғасырлық Тарихы бар Білім ордасына -100 жыл

Ғабиден Мұстафин атындағы №191 мектептің 100 жылдық мерейтойы

Биыл ғасырлық ғұмырын артқа тастаған №191 мектеп үшін ерекше тарихи әрі тағылымы мол жыл. Білім мен тәрбиенің алтын ордасына айналған қасиетті қара шаңырақтың 100 жылдық мерейтойы — тек мектеп ұжымы үшін ғана емес, күллі түлектер, ата-аналар мен ел азаматтары үшін зор мақтаныш.
Бір ғасыр бұрын іргетасы қаланған білім ордасы уақытпен бірге жаңарып, заман талабына сай дамып, талай ұрпаққа сапалы білім мен саналы тәрбие беріп келеді. Осы жылдар ішінде мектеп мыңдаған шәкіртке жол көрсетіп, олардың үлкен өмірге нық қадам басуына себепкер болды. Әр түлек — мектеп тарихының бір бөлшегі, әр жетістік — ұстаздар еңбегінің жемісі.
Мектеп қабырғасынан еліміздің әр саласында абыройлы қызмет етіп жүрген дәрігерлер, мұғалімдер, инженерлер, ғалымдар, кәсіпкерлер, мәдениет пен спорт майталмандары тәрбиеленіп шықты. Бұл — ұстаздардың кәсіби шеберлігі мен білімге деген адалдығының айқын дәлелі.
100 жылдық тарихы бар мектептің қалыптасу жолы оңай болған жоқ. Әр кезеңнің өз талабы, өз қиындығы болды. Соған қарамастан білім ордасы өзінің басты миссиясынан — жас ұрпаққа сапалы білім мен өнегелі тәрбие беруден ешқашан айныған емес. Ұстаздардың табандылығы мен шәкірттердің талпынысы мектептің мерейін өсіріп, абыройын асқақтатты.
Бүгінде №191 мектеп заман талабына сай жаңашыл бағытта дамып, білім беру саласындағы озық тәжірибелерді енгізіп келеді. Оқушылардың жан-жақты дамуына барлық жағдай жасалып, олардың ғылымға, өнерге, спортқа деген қызығушылығын арттыру бағытында ауқымды жұмыстар атқарылуда. Мектептің жетістіктері аудандық, қалалық, республикалық деңгейдегі байқаулар мен олимпиадаларда айқын көрініс тауып келеді.
Бұл мерейтой — өткенге тағзым жасап, бүгінгі жетістікті бағалап, болашаққа үлкен сеніммен қараудың жарқын көрінісі. Ғасырлық тарихы бар мектеп әлі талай биіктерді бағындырып, ел болашағын тәрбиелей беретіні сөзсіз.
Осынау айтулы мереке қарсаңында мектептің ардагер ұстаздарына, қазіргі педагогтерге, түлектер мен оқушыларға шынайы алғысымызды білдіреміз. Сіздердің қажырлы еңбектеріңіз бен білімге деген сүйіспеншіліктеріңіздің арқасында мектептің абыройы асқақтап келеді.
Қадірлі ұстаздар мен шәкірттер!100 жылдық мерейтой құтты болсын! Мектебіміздің мерейі үстем, абыройы асқақ болсын! Қасиетті білім ордасынан әлі талай дарынды, білімді, елін сүйетін азаматтар түлеп ұша берсін!Ғасыр жасаған мектеп — ғасырлар бойы жалғасар білім мен тәрбиенің шамшырағы!
https://almaty.tv/kz/news/obschestvo/almatyda-bilim-osagynda-gabiden-mustafin-atyndagy-murazaj-asyldy