3-тоқсанның аяқталуына орай мектебімізде әдістемелік бірлестік (ӘБ) отырысы

3-тоқсанның аяқталуына орай мектебімізде әдістемелік бірлестік (ӘБ) отырысы өткізілді. Жиналыстың негізгі мақсаты – тоқсан қорытындысын саралау, білім сапасын талдау және алдағы кезеңге жоспар құру болды.
Отырыс барысында мұғалімдер 3-тоқсан бойынша оқушылардың оқу жетістіктеріне жан-жақты талдау жасап, әр сыныптың білім деңгейі мен үлгерімі қарастырылды. Бақылау жұмыстарының нәтижелері талданып, білім сапасын арттыру жолдары талқыланды. Сонымен қатар, пән мұғалімдері өз тәжірибелерімен бөлісіп, тиімді әдіс-тәсілдер жөнінде пікір алмасты.
Жиналыс барысында оқушылардың функционалдық сауаттылығын дамыту, критериалды бағалау жүйесін жетілдіру және оқытудағы заманауи технологияларды қолдану мәселелеріне ерекше назар аударылды. Мұғалімдер тарапынан ұсыныстар айтылып, алдағы 4-тоқсанға нақты міндеттер белгіленді.
Әдістемелік бірлестік отырысының қорытындысында білім сапасын көтеру, оқушылардың оқу мотивациясын арттыру және мұғалімдердің кәсіби шеберлігін дамыту бағытында бірқатар шешімдер қабылданды.
Осындай жүйелі жұмыстар білім беру сапасын арттырып, оқушылардың жан-жақты дамуына оң әсерін тигізетіні сөзсіз.