День Учителя 2016

Қазан айында аталып өтетеін мерекелер ішіндегі ең ұлағатты мерекелердің бірі - "Ұстаздар күні"! Осындай ерекше күнді атап өту мақсатында қазанның 1 күні мектепте тәрбие ісінің орынбасарларының ұйымдастыруымен үлкен іс-шара ұйымдастырылып өтті. Мұғалімнен үлгі-өнеге алып, тәрбие алған әрбір шәкірт ұстазымен мақтанады. Аталған мерекелік іс-шарада мектебіміздің оқушылары жоғары деңгейде өз өнерлерін көрсетіп, ұстаздарын қуантты. Салтанатты шараны  мектеп директоры Ахманбетов Қанат Шабденұлы ұстаздарымызды мерекемен құттықтау сөзімен бастады. Сонымен қатар мерекелік кеште мектебіміздің әрбір ұстазын "Алғыс хатпен" марапаттады. 

Ұстаз- өмірдің шамшырағы! Осы бір керемет атауды арқалаған жандарға ұлағатты ой иелері де, арман оты жүрегіне алаулаған жеткіншектер де, парасатты қоғам қайраткерлері де қарыздар. Құрметті ұстаздар! Сіздердің мамандықтарыңыз елдегі ең қадірлі, ең мерейлі мамандық. Себебі, Қазақстанның болашағы Сіздердің қолдарыңызда! Сіздерді мерейлі мерекемен шын жүректен құттықтай отырып, мықты денсаулық, шығармашылық табыстар, ізгі махаббат пен мейірім тілейміз!